വേളാങ്കണ്ണിപ്പള്ളി
പ്രധാനപ്പെട്ട സ്ഥലങ്ങള് ഔവര് ലേഡീസ് ടാങ്ക് ആട്ടിടയനായ ബാലന് 16-ം നൂറ്റാണ്ടില് മാതാവ് പ്രത്യക്ഷപ്പെട്ട സ്ഥലത്തു നിര്മിച്ച, ചാപ്പലിന് ചേര്ന്നാണ് ഈ കുളം. മ്യൂസിയം ഉപകാര സ്മരണയ്ക്കായ ഭക്തലക്ഷങ്ങള് നേച്ച കാഴ്ചയായി സമര്പ്പിക്കുന്ന സ്വര്ണവും വെള്ളിയും മറ്റ് വസ്തുക്കളും പ്രദര്ശിപ്പി,ിരിക്കുന്നത് മ്യൂസിയത്തിലാണ്.
ലഭിക്കുന്ന മുഴുവന് വസ്തുക്കളും പ്രദര്ശിപ്പിക്കാന് ഇടമില്ലാത്തതിനാല് ഇവ ഇടയ്ക്ക് മാറ്റിക്കൊണ്ടിരിക്കും. കാഴ്ചവ്തുക്കള് അര്പ്പിക്കുന്ന സ്ഥലം വേളാങ്കണ്ണി സന്ദര്ശിക്കുന്ന തീര്ഥാടകര്ക്ക് നേര്, കാഴ്ചകള് സമര്പ്പിക്കാനുള്ള സ്ഥലമാണ് ഇവിടം.
സ്വര്ണം, വെള്ളി, രൂപ തുടങ്ങിയവ , പ്രത്യേക ആവശ്യങ്ങള്, പ്രാര്ഥനകള്, കുര്ബാന ചൊഫുന്നതിനുള്ള പണം, എന്നിവ ഇവിടെ നല്കാം. പ്രത്യേക അനുഗ്രഹങ്ങള്തേടിയുള്ള പ്രാര്ഥനകള് ഇവിടെ പെട്ടിയില് നിക്ഷേപിക്കാം. പള്ളി വികാരിയെക്കണ്ടും ഇത്തരം വസ്തുക്കള് കൈമാറാം.
തിരുനാള് ഇപ്പോള് വര്ഷംതോറും ഒന്പതു ദിവസം നീളുന്ന തിരുനാളാണ് ഇവിടെ കൊണ്ടാടുന്നത്. ഇന്ത്യയില് ഏറ്റവുമധികം തീര്ഥാടകരെത്തുന്ന സ്ഥലമാണിത്. ക്രൈസ്തവര് മാത്രമല്ല, അക്രൈസ്തവരായ പതിനായിരങ്ങളും വര്ഷം തോറും വേളാങ്കണ്ണിക്ക് തീര്ഥയാത്ര നടത്തുന്നു.നിരവധി അത്ഭുതങ്ങളും നടക്കുന്നതായി റിപ്പോര്ട്ടുണ്ട്.
ഏതാണ്ട് പതിനായിരത്തോളം പേര്ക്കിരുന്ന് കുര്ബാന കാണാന് കഴിയുന്ന ക്രൈസ്റ്റ് ദ കിങ് മഹല് വര്ധിച്ചുവരുന്ന തീര്ഥാടകരുടെ ആവശ്യങ്ങള് നേരിടാന് പര്യാപ്തമാണ്. 444000 ചതുരശ്രയടിയാണ് വിസ്തീര്ണം. പള്ളിയങ്കണത്തിന്റെ നാല് അതിര്ത്തികളിലും ഓരോ പള്ളികളുണ്ട്. സുനാമിയെ അതിജീവിച്ച പള്ളിയിലിപ്പോള് വിശ്വാസികളുടെ തിരക്കേറിയിരിക്കുകയാണ്.
