|
|---|
വി. ജെനവീവ് ഫ്രാന്സില് നാന്തേറിലാണ് ജെനവീവ് ജനിച്ചത്. ഓക്സെറിലെ വി. ജെര്മ്മാനൂസിന്റെ കീഴില് ദൈവത്തിനു തന്നെത്തന്നെ പ്രതിഷ്ഠിച്ച ഒരു കന്യകയായിരുന്നു വി. ജെനവീവ്. ചെറുപ്പകാലത്തുതന്നെ വി. ജെര്മ്മാനൂസ് ഈ കന്യകയ്ക്ക് ശിരോവസ്ത്രം നല്കി. അന്നുമുതല് അവര് പ്രാര്ത്ഥനയിലും ആശാനിഗ്രഹത്തിലും ഉപവി പ്രവര്ത്തികളിലും സര്വഥാ നിമഗ്നയായി. മാതാപിതാക്കളുടെ മരണശേഷം ജെനവീവ് പാരീസില് താമസമാക്കി. അവിടെ അവളുടെ ഉപവി പ്രവൃത്തികളും അത്ഭുത പ്രവര്ത്തനങ്ങളും പലരുടെയും അസൂയയ്ക്ക് കാരണമായി. ശത്രുക്കള് അവളെ മര്ദ്ദിച്ചു. വി. ജെര്മ്മാനൂസ് ഈ വിവരം അറിഞ്ഞപ്പോള് ജെനവീവിനുവേണ്ടി മാദ്ധ്യസ്ഥ്യം വഹിച്ചു. ശത്രുക്കളുടെ സ്പര്ദ്ധ നീങ്ങുകയും ചെയ്തു. ഫ്രാങ്കുകളുടെ രാജാവായ കില്ഡെറിക്ക് പാരീസ് ആക്രമിച്ചപ്പോള് ജനവീവ് പട്ടിണിപ്പാവങ്ങള്ക്ക് ഭക്ഷണമെത്തിച്ചുകൊടുത്തു. വന്യജാതികളായ ഹണ്സു അറ്റിലായുടെ നേതൃത്വത്തില് പാരീസ് ആക്രമിച്ചപ്പോള് ജനവീവിന്റെ ഉദ്ബോധനമനുസരിച്ച ് ജനങ്ങള് പ്രാര്ത്ഥിക്കുകയും പ്രായശ്ചിത്തം അനുഷ്ഠിക്കുകയും ചെയ്തു. തല്ഫലമായി ജനവീവ് പ്രവചിച്ചതുപോലെ വിപത്തു നീങ്ങി. പാരീസില് ക്ലോവസു രാജാവ് പണിതീര്ത്തിരുന്ന വി. പത്രോസു പൗലോസുമാരുടെ ദൈവാലത്തിലാണ് ജെനവീവിനെ സംസ്കരിച്ചത്. അവിടെ ജെനവീവിന്റെ മദ്ധ്യസ്ഥത്താല് പല അത്ഭുതങ്ങളും നടന്നതുകൊണ്ട് അവളുടെ വിശുദ്ധി പ്രഖ്യാപിതമായി. 1129-ലെ ഒരു പകര്ച്ചവ്യാധി അവളുടെ മദ്ധ്യസ്ഥപ്രാര്ത്ഥനയാല് ശമിച്ചു. അതോടെ അവള്ക്ക് തിരുസഭയില് പ്രശസ്തി വര്ധിച്ചു. ചാള്സുഫാവുറേ സ്ഥാപിച്ച് സന്യായസസഭയ്ക്ക് പേരിട്ടത് വി. ജനവീവിന്റെ കാനന്സു റെഗുലര് എന്നാണ്. ഇന്ന് തിരുക്കുടുംബ സന്യാസിനികളെന്ന് അറിയപ്പെടുന്നവര് 1936 ന്് മുമ്പ് വി. ജനവീവിന്റെ് പുത്രികളായിരുന്നു. വിചിന്തനം: ജെനവീവ് ഒരു ദരിദ്ര കര്ഷക ബാലികയായിരുന്നു; എന്നാല് ക്രിസ്തു അവളിലുണ്ടായിരുന്നു. നന്മചെയ്തു കന്യകയായി കടന്നുപോയ ഈ വിശുദ്ധ ബാലികയുടെ മാതൃക നമുക്ക് പ്രചോദനമായിരിക്കട്ടെ. |
||
|---|---|---|
| Contact .Prayers. Gallery . Saints . Novana . Contact .Home Copyright 2010 Upakarasmarana.com. All rights reserved. |